Frábær árangur í dag

Ragnar Örn 9 mánaða gamli strákurinn minn heldur mér heldur betur við efnið. Hann fer orðið um allt og í dag fór ég  frá  í eina sec. og hann  var komin  upp í körfuna á vagninum sínum.  Ég  setti vagninn fyrir skúffurnar svo að hann myndi ekki klemma sig.

 

Ég fæ því næga hreyfingu á daginn með honum. Við byrjum klukkan 07:00 á morgnana og erum stanslaust að til 19:00 á kvöldin.  Um fjögur leitið í dag var ég orðin svo þreytt að hlaupa á eftir honum að ég fór út að labba með hann í hlaupa kerrunni sinni. Mig langaði að taka mér frí frá hlaupunum og ætlaði bara að labba. Við héldum af stað og vorum komin á göngustíg umkringd fallegri náttúru þegar það byrjaði að rigna gríðarlega.  Þar sem það er ekkert skyggni á hlaupa kerrunni og hvorugt okkar klætt fyrir rigninguna þurfti ég að spretta heim.

Mataræðið er líka mjög gott hjá mér þessa dagana, ég ætla heldur betur að vinna þetta átak hjá okkur systrunum og mömmu.